पुण्याच्या नवले पुलाजवळ सिमेंटचा मिक्सर पलटी

पुणे – कात्रज-देहूरोड बाह्यमार्गावर कात्रजकडून नवले पुलाकडे जाणार्‍या मार्गावर शिवसृष्टीसमोर रेडिमिक्स सिमेंटचा मिक्सर पलटी झाल्याची घटना आज सकाळी घडली. या अपघातात 2 जण जखमी झाले. चालकाचे नियंत्रण सुटल्याने हा मिक्सर चारचाकी वाहनावर पलटी झाला. त्यामुळे या वाहनाचे मोठे नुकसान झाले. मारुती पवार (50) व माधुरी पवार (रा. नांदेडसिटी) अशी अपघातात जखमी झालेल्यांची नावे आहेत. सकाळची वेळ असल्याने या अपघातामुळे वाहतूककोंडीदेखील झाली होती. भारती विद्यापीठ वाहतूक पोलीस घटनास्थळी दाखल झाले, त्यानंतर वाहतूक सुरळीत करण्यात आली.