संपादक : सौ. जयश्री खाडिलकर - पांडे
Friday, 12 August 2022

राजापूरजवळच्या अनुस्कुरा घाटात दरड कोसळल्याने वाहतूक विस्कळीत

Facebook
Twitter
WhatsApp
Telegram
Email

रत्नागिरी- कोकण आणि पश्चिम महाराष्ट्राला जोडणाऱ्या अनुस्कुरा घाटात आज पहाटे ५ च्या सुमारास पुन्हा दरड कोसळली. त्यामुळे घाटात मोठी वाहतूक कोंडी झाली होती. रस्त्यावर कोसळलेली दरडी हटवल्यानंतर काही तासांनी एकेरी आणि दुपारनंतर वाहतूक पूर्ववत सुरू झाली. या दुर्घटनेमुळे रत्नागिरी येथून राजापूर-कोल्हापूर मार्गे पुण्याला जाणारी एसटी बस घाटात अडकली होती.
कोकण आणि परिसरात पडत असलेला पावसामुळे येथील अनेक घाटांत दरडी कोसळण्याच्या घटना घडत आहेत. आज पहाटे ५ च्या सुमारास अनुस्कुरा घाटात दरड कोसळली. याची माहिती मिळताच सार्वजनिक बांधकाम विभागाने दरडी हटवण्याचे काम हाती घेतले. त्यामुळे काही वेळानंतर एकेरी वाहतूक सुरू झाली. दुपारनंतर घाटातील वाहतूक पूर्ण सुरू झाली. ४ दिवसांपूर्वी याच घाटात दरड कोसळून वाहतूक विस्कळीत झाली होती. आज पहाटे पुन्हा दरड कोसळली. त्यामुळे सकाळी घाटात वाहतूक कोंडी झाली होती.

आजचे हवामान
ताज्या बातम्या
Scroll to Top
Close Bitnami banner
Bitnami